بيع جامعة الاسكندرية

كثر الحديث هذه الأيام عن بيع الجامعة وبناء جامعة جديدة في منطقة أبيس والغريب انحكومتنا النبيهة تستخدم معنا أساليب المخابرات مع جيوش العدو فهي تسرب خبرا ما لكي تستقريء مدي القبول والرفض وتحسب حسبتها وفقا لهذا فاذا كان الرفض شديدا ورد الفعل سريع فلا مانع من تأجيل مشروعاتها-لاحظ ان الحكومة لا تتخلي عن أحلامها أبدا لكن من الممكن تاجيلها فقط لأن النظام عندنا عندي ومخه جزمة قديمة واللي شايفه هو الصح دائما وابدا-حدث هذا منذ سنوات في الكلام عن رحيل المحجوب وتعيينه وزيرا للتنمية المحلية تمهيدا لعزله بعدما لاقي قبولا وشعبية رفضها النظام لنها ليست موجهة له وكان الرفض وقتها هائلا وتم التأجيل الي ان تحين النظام اللحظة المناسبة ونفذ خطة التغيير لأنه كما قيل ان المحجوب يقف ضد مشروع هدم مستشفي الشاطبي والغريب ان اول تصريح للواء عادل لبيب انه لا يري مشكلة من هدم المستشفي مدام سيبني مكانها ولاد أبالسة العالم دي احنا بس اللي بنعرضها هما بيعرضوا بس من غير نقطة المهم يقوموا مسربين خبر هدم الجامعة نقوم نقعد نتكلم ونحكي ونعمل مواضيع فيكتفوا بهدم مستشفي الشاطبي بس ويبقوا عملوا معانا واجب سابولنا الجامعة مقابل المستشفي الله يمسيك بخير يا حسن حسني لما قال في فيلم ناصر 56 غلبت ادور علي سفارة مصر في السويس مالقيتهاش احنا برضه عايزين اللي يدلنا علي سفارة مصر في الاسكندرية طالما الاولوية للمشوعات السياحية والفنادق علي حساب صحة وتعليم اهل البلدوالي حيقلب الحقايق ويقول ماهم حينقلوا لاماكن تانية يسأل نفسه هل كل المواطنين مثل السيد لبيب لديهم سيارة بسائق خاص تقله لسموحة حيث المستشفي أو تقل ابناؤه حيث الجامعة في ابيس ولو اني اشك انهم بيتعالجوا او بيتعلموا في القطاع الحكومي ربنا يخليلهم القطاع الخاص