Friday, January 26, 2007

الناس اتجننت

الناس باينها اتجننت ماصدقوا الريس قال عايزين نعدل الدستور واللي قام طالع عايز يعدل المادة 77 واللي نفسه المادة 88 تتعدل وبقت هيصة ليه هي البلد دي ملهاش صاحب اي حد مجرد انه يحمل في بطاقته لقب مصري يفتكر انه خلاص من حقه يقول نعدل ايه ومنعدلش ايه وازاي نتحكم يا سلام خلاص مبقاش في حيا ولا خشا مش البلد دي ليها ملاك واخدينها وضع يد وقعدوا واترستقوا وجابوا صحابهم كمان
خلاص مالكم انتوا يا بردا تتحشروا في اللي ما لكمش فيه ليه
دي شوية حركات عاملينها صحاب البلد علشان يقولوا لصحابهم انهم اللي في البلاد التانيه انهم عندهم اللي اسمها ايه دي ديموقراطية علشان ابن صاحب البلد مرة كان عند ناس صحابه في بلاد تانيه قاموا عايروه وقالوله ياللي ماعندكوش ديموقراطية قام راجع لباباه جري وعيطله وقاله ماليش دعوة عايز ديموقراطية باباه يقوله عيب يا حبيبي دي كخه وحتعورك الواد يصرخ قام قال نعمله حاجة كده يلعب بيها شبه الديموقراطية تسكته ومتخليش حد يعايره من صحابه
انتوا مالكم بقه بالحكاية حد طلب منكم تلعبوا في مصر اتجننت وافتكرت ان البلد بلدها وما صدقوا ان الريس قال حنعدل الدستور وكله قام شاطح خياله وهات يا احلام واللي نفسه
يا بردااااااااااااااا

1 comment:

مش فاهم حاجة said...

جبت المفيد يا حاج