Saturday, June 17, 2006

تجربة جدو

عزيزى محمد
السلام عليكم ـ ياسيدى الف شكر على رسالتك ـ بحكم بداية التدوين انت كنت اسبق منى فى عمل مدونة ـ واسم مدونتك (مصر ياحتة منى) شدنى جداد اثناء بداية بحثى فى عالم التدوين فانا بحب مصر واحب كل واحد يحب مصر.

الهجرة عموما شئ مؤلم جدا ـ وعلى المصرى اللى بيحب مصر شئ مدمر حقيقى لكن على راى المثل ـ موت ياعبد خصب يارب ـ حينما تصبح ظروف العمل مقرفة وغير محتملة ويضاف عليها اعباء اسرية لادخل لك فى تكونها ولكنك لاتملك ان تتنصل منها ويضاف اليهما دخل لايكفى مصروفاتك الشخصية يصبح اى شئ ـ لايغضب الله ولا يخالف القانون ولايمس الشرف ـ محتمل.

الان وبعد الاقمار الصناعية التى سهلت مشاهدة القنوات الفضائية وخفضت اسعار المكلامات التليفونية والانترنت التى جعلت الناس قريبة جدا من بعضها كل هذا جعل لافرق بين ان تقيم فى اسوان او فى اى مدينة على سطح الارض واهلك فى القاهرة ـ عكس زمان (1979 حين حضرت الى امريكا لاول مرة) كان الجرنال المصرى هدية ثمينة.

دائما السنوات الاولى صعبة على اى مهاجر ـ انت جريت من الاسابيع الاولى ـ لانك محتاج تفهم اللغة من اهلها دة مش لانك مخدش انجليزى فى تعليمك ولكنك لم تتعامل مع اصحاب اللغة وبالهجة بتعتهم ـ يعنى طريقة نطق الانجليزى فى تكساس غيرها فى نيويورك زى العربى بلهجة مصرية ولبنانية وهكذا ـ الحاجة التانية والمهمة جدا انك بتنافس اهل البلد على الشغل فلازم تكون احسن منهم على الاقل فى التعليم او فى صنعتك غير كدة يفضل الواحد شغال اى كلام وعمرة مايطلع فوق ماديا واجتماعيا.

باق الاشياء حكايات شخصية يعنى لو فيه خمسة مليون مهاجر حتلاقى خمسة مليون حدوتة عن ازاى خرج من مصر وازى لقى اول شغلة والباقى مسالة وقت المهم اللغة والتعليم التقنى ـ او اجادة صنعة ـ التعليم النظرى صعب انه يجد فرصة ومحتاج مجهود اكترعلشان يوصل واعمال التجارية فرصة كويسة لاصحاب التعليم النظرى ـ على كل حال اللى عندة فرصة يهاجر قانونى ـ وتحت قانونى مليون خط ـ يهاجر لان النهاردة احسن من بكرة لان قوانين الهجرة عملين يزنقوها واللى معندوش اقامة قانونية بيتبهدل جدا وممكن يلاقى نفسه فى السجن.

محمد

انا سوف ارسل ردى هذا اليك ردا على رسالتك لكن اذا انت شعرت ان ردى دة فية فايدة لحد تانى ممكن نحطه على المدونتين ـ عندى وعندك ـ وانا على استعاد لاجابة صادقة ـ فى حد علمى ـ عن اى اسئلة بخصوص الحياة فى امريكا ـ يعنى يبقى عمل مشترك معاك فكر فية وانا افضى وقت ـ وان كنت فكرت فى الابتعاد عن التدوين لكن لو اقدر افيد حد يبقى معنديش مانع اكتب معاك
ده كان رد دكتور محمد علي رسالة مني له اطلب منه انه يكتب اكتر عن صعوبات الغربة وينقل لنا التجربة بحلوها ومرها وهو صاحب مدونة جدو/
وانا شخصيا بأطلب منه انه يستمر في سرد تجربته خصوصا في هذا الوقت الذي اعتقد ان99%من الشباب في مصر بيفكر في الهجرة علي انها الطريق الوحيد للخلاص ويا ريت يا دكتور محمد نستفيد منك أكتر


20 comments:

محمد النقيب said...

ولو كله هيمشي ويسيب البلد ..مين هيصلحها؟

Lasto-adri *Blue* said...

لما قرأ دا فى مدونة كلام
http://alkalemat.blogspot.com/2006/06/blog-post_10.html

قلت زى النقيب فوق
ومين ح يصلح البلد؟

كل واحد محتاج يكون نفسه... بس فكرة الهجرة .. مش عارفة ليه مش محبذاها لسا

Mr.GEMYHOoOD said...

دى تالت تدوينة اشوفها بنفس الكلام

مرة قريت مسرحية الشعب فيها كله هاجر
و الملك ما لقاش حد يحكمه

فضل يبعت رسايل مفاوضات مع الشعب علشان يرجع تانى و يحكمه

اظن ان دة الحل الامثل فى ظل الظروف الراهنه

احنا نحرمه مننا

علشان يعرف قيمتنا

:d

Gid-Do - جدو said...

ناس كتير بتبص للهجرة على انها ترك البلد الام اللى اقتصادها تعبان الى بلد اخر ذو اقتصاد قوى للحصول على دخل اعلى وعيشة احسن ـ وهذا صحيح فى معظم الاحوال ـ لكن ميقدرش حد يقول فى كل الاحوال ـ لان هذا لايفسر هجرة
ناس كتيرة من دول اقتصادها قوى زى كندا واستراليا وانجلترا والمانيا الى امريكا ـ او من امريكا نفسها الى دول تانية يبقى فية اسباب اخرى بتخلى الناس تهاجر ـ على كل حال الهجرة اختيار شخصى لانها اذا فرضت تحولت الى نفى من الوطن ـ اما حكايتى الشخصية مع الهجرة فهى عادية لاننى من حسن حظى ان كان لى فرد من افراد الاسرة سبقنى منذ سنوات فسهل على كل منغصات الفترة الانتقالية ـ وهذا اكبر جميل يقدم الى القادم الجديد ومعروف لا يستطيع حتى الناكر دائما للجميل ان ينكره ـ فمن المهم جدا للمهاجر ان يجد السند المعنوى والمادى عند قدومة ـ بحكم خبرتى الطويلة هنا يسعدنى الاجابة فى حدود معرفتى على الاسئلة لمن يريد ولكم كل الحب

النوبى said...

الموضوع الى انتى بتتكلمى عليه مهم والله جدا وفكره الهجره انا من وجهت نظرى هى الحل الوحيد لاى شاب نفسو يبدأحياته مهما هتقابله صعوبات انا شايف انها احسن من هنا بكتير اوى والكلام ده هو الحقيقه بعيمه مش كلام متأسر باعاطفه تجاه البلد

وردا على كلام الاخ محمد النقيب
خلى الى يصلح البلد الناس الى هو مسكنا وخربنها ومتمتعين فى خرها
هما دول الى من واجبهم يصلحو البلد مش احنا

وانا اتمنالك الكتابه دائما بشكل افضل

النوبى
رئيس جمهوريه اسوان العربيه

sarah said...

NICE POST
:)

nefertiti said...

sa3at el zorof betkon aqwa wel 7al howa el hegra.. laken el sha6er ba2a law 3ando shwayet 3azm weqowa hay2dar yewageh weyt7ada el 3alam kolo l7ad mayla2y el for9a dy fy balado..
sada2ony hayla2eeha..hayet3ab fl bedaya laken hayla2eha :)

bosbos said...

احيانا بتكون الظروف و الياس هما اللي بيدفعو الواحد انه يتغرب

مظنش اني هقدر ابعد عن مصر و كل اللي فيها

و بكرر سؤال محمد لو كله هيسيب البلد مين هيصلحها؟؟

*~Daisy~* said...

ana mesh bashuf el kalam, we bafdal a3mel 3aleih highlights we ba3tab :(
mayenfa3sh ba2a yeb2a eswed marra wa7da ??? :'(

Dr. Zeus said...

الحقيقة ان الهجرة حالة شخصية
يعني كل واحد تجربته ومبرراته وحججه تخلف تبعا لظروفه
وبالتالي تختلف الاحكام بالصواب والخطأ
وعموما، ربنا يوفق جميع المصريين بره او جوة

GoGa said...

دي مشكله فعلا وانتو بتناقشه موضوع في غايه الأهميه لأن شباب كتير متخيل ان السفر بره والعمل بره سهل بالعكس ده اصعب من هنا بكتييييير لأن عندهم الشغل شغل مش زي هنا
ولو اني مقدلاه ظروف الشباب ماهما لو كانوا لقوا فرص هنا ما كانةش فكروا في كده دي بلدنا جمياه أوي ومفيش زيها بس منهم لله بقي اللي مطفشين الناس منها ده كفايه القعده علي النيل ولا البحر في اسكندريه دي تساوي ميت أمريكا وأوروبا

النوبى said...

على فكره الاغنيه الى انتى حطاها لمنير حلوه اوى


النوبى

رئيس جمهوريه اسوان العربيه المتحده

فيولينا said...

مين هيصلحها؟؟؟؟؟؟؟؟؟؟؟
حسني وجمال وسوزي طبعاً ومتنسوش خديجه
حرم سمو الأمير
هما عزموا ونووا والنيه خالصه لله إنهم هيجيبوها على البلاطه ده لو مبعوش البلاطه
يبقى نسافر أحسن خليهم يكلموا نفسهم

Taher said...

استاذى
كنت قد اعددت العدة للهجرة الى كندا فور انتهاء دراستى ولكنى فرت قليلا (وليس كثيرا بالمرة ان افكر اذا كنت ساترك مصر) وتوصلت الى الاتى

انه يجب على ان اطرق كل الابواب قبل موضوع الهجرة

وبالفعل تم ذلك وبحثت عن عمل فى اماكن كثيرة والحمد لله وفقتا للعمل فى شركة على مستوى راقى وصدقنى لا وجود للواسطة مطلقا

نحن نحتاج فقط للبحث والتواضع للحصول على اى عمل
وان كنت احترم قرارك للهجرة ولكن فكر مرة اخرى وقلب فى اوراقك القديمة واعتقد انك ستغير من موقفك

اذا اغلقت الابواب فى وجهك بعد كل هذا اعتقد ان الحق كل الحق لك فى ان تفعل ما تراه مناسبا من ناحية الهجرة

اتمنى لك التوفيق

layal said...

أتمني ان نتبنى جميعا كمدونين كلمه واحده بتاريخ واحد نحدد فيه رأينا للعالم اجمع
اتمني ان ندون مدونه واحد بتاريخ 27/07/2006
كلنا كمدونين نكرر عباره واحده
كلنا مع لبنان وفلسطين ضد اسرائيل والمحتلين
بالعربي بالانجليزي المهم نسمع صوتنا للعالم
وان لم نستطيع حمل السلاح فالنحمل الكلمه
ارجو النشر -تحياتي للجميع

rasha said...

بجد كل يوم بكتشف ان عالم المدونات ده كبير قوي و ان اللي معندوش بلوج ده مظلوم و الي عنده و مبيكتبش فيه ظالم لنفسه بجد بحس ان البلوجات بتخلينا اقرب لبعض و نحس ببعض من غير ما نكون نعرف بعض اصلا بجد كلامك حسسني بمراره الغربه اللي عمري ما عرفتها لان ابعد حته سافرت فيها كانت العجمي بس انا من كلامك حسيت اني سفرت امريكا و اتغربت طول ما انا بقرا البوست ربنا يرجعك لبلدك ان شاء الله علي خير

النوبى said...

سيبك بقا من تجربه جدوا

ياستى مستنين منك الجديد
ولا انتى بتقلى علينا
----------------
تحياتى ليكى

النوبي رئيس جمهوريه اسوان العربيه المتحده

النوبى said...

انا اسف يا مان
معلش حصل لبس
المهم مستنين منك الجديد
متزعلش منى

**************

تحياتى

النوبي رئيس جمهوريه اسوان العربيه المتحده

لغز الحياة said...

بصراحة انا اول مرة اشوف حد مصرى عندة كل الوطنية والحماس دة بس انا عن نفسى لا اوئيد فكرة الهجرة انا حاسة ان الهجرة زى ورقة الشجر اللى وقعت على الارض وممكن الرياح تلعب بيها يمين وشمال من غير اصل يرعها ويغذيها
www.logzel7ya.blogspot.com

mohamed said...

مش عارف ليه جه على دماغى كلمة العظيم عبد المنعم مدبولى فى فيلم عاوز حقى لما قال .. بيع يا عواد
اتمنى زيارة مدونتى ونبقى اصحاب
mobkhat.blogspot.com