Sunday, June 11, 2006

كلمتين لمصر



كل عين تعشق حليوة
وإنتي حلوه ف كل عين
يا حبيبتي قلبي عاشق
واسمحي لي بكلمتين
كلمتين يا مصر
يمكن هما آخر كلمتين
حد ضامن يمشي آمن
أو مآمن يمشي فين
شابه يا أم الشعر ليلي
والجبين شق النهار
والعيون بحرين أماني
والخدودعسل ونار
واللوايي فى إبتسامتك
يحكوا أسرار المحار
يا للي ساكنه القصر عالي
إمتى يهنا لي المزار
كلمتين يا صبيه
طال على الانتظار
كلمتين يا مصر
يمكن هما آخر كلمتين
حد ضامن يمشي آمن
أو مآمن يمشي فين
قصرك المسحور غيلانه
أغبي من دود الغيطان
بعد مص الغصن لاخضر
ينحتوا عضم العيدان
وإللى خلا الارض خضرا
وإللى خلا الدار أمان
عاش بجوعه ملو جوفه
مات بخوفه م الغيلان
روح الغلبان ما قالشي
عن شقا العمر إللى كان
كلمتين لمصر
يبقوا هما آخر كلمتين
حد ضامن يمشي آمن
أو مآمن يمشي فين
آدي كلمه من عذابي قلتها لك
باقي كلمه
من حنيني صنتها لك
فى الضلوع من دنيا ظالمه
كنت خايف يلمحوها
يقتلوها ف سكه ضلمه
شقشقت والنور بشاير
زهرة الصبار يا سلمى
يا نسيم الشوق يا طاير
خد لمصر الصبح كلمه
طول ما يبقي الركب ساير
بالبصاير والعنين
يبقي ضامن
يمشي آمن
يبقي شايف
يمشي فين
من أجمل قصائدعمي أحمد فؤاد نجم باهديها لكل اللي بيدفعوا تمن حريتنا دلوقتي في المعتقلات

8 comments:

ikhnaton2 said...

جميلة جداً

voice of love said...

قصيدة تحفة بجد وكلامها معبر جدا
اختيار موفق

nefertiti said...

zay el 3ada kalam mo3aber wegameel :)

hager mater said...

اعتقد انها نوع جديد فى الحوار مع البلد
هاجر مطر
تحياتى

Haider Droubi said...

nice blog...i did post some pics that i took in cairo ..check it ..it is in archive (may)

sasha said...

كلمات لا يمكن التعليق عليها . .. كلمات من قلب مصرى لقلوب مصريين

basem zaitoun said...

عمنا نجم له قصيده امل فى بكره اسمها صباح الخير
كتبها فى طلبة السعدية الذين اعتقلهم النظام فى ذلك الحين فأفرخ لنا اقطاب المعارضة الان
والقصيدة
صباح الخير علي الورد اللي فتح

في جناين مصر

صباح العندليب يشدي

بألحان السبوع يا مصر

صباح الدايه واللفه

ورش الملح في الزفه

صباح يطلع بأعلامنا

من القلعه لباب النصر

سلامتك يامه يا مهره

يا حباله

يا ولاده

يا ست الكل يا طاهره

سلامتك

من آلام الحيض

من الحرمان

من القهره

سلامة نهدك المرضع

سلامة بطنك الخضرا

هناكي وفرحة الوالدة

تضمي الولد

يا والده

يصونهم لك

ويحميهم

يكترهم

يخليهم

يجمع شملهم

بيكي

يتمم فرحتك

بيهم

صباح الخير علي ولادك

صباح الياسمين والفل

تعيشي ويفنوا حسادك

ويسقوهم

كاسات الذل

وبلغ يا سمير غطاس

يا ضيف المعتقل سنوي

بصوتك دا اللي

كله نحاس

صباح الخير

على الثانوي

وأهلا بيكو في القلعه

وباللي في الطريق جايين

ما دامت مصر ولاده

وفيها الطلق والعاده

حتفضل شمسها طالعه

برغم القلعه

والزنازين

علاء زين الدين said...

زهرة الصبار قدامها شوية لسة عشان تشقشق