Monday, April 17, 2006

ليههيهيه

ايه اللي بيحصل ده ليه احنا بنعمل في نفسنا كده اللي بيحصل في اسكندرية ده دليل علي الغباءو غياب الوعي احنا بناكل نفسنا بدل ما نبص علي الخطر الحقيقي اللي حوالينانظام بيلعب بينا كاننا عرايس مارونيت الحقيقة اللي لازم نعترف بيها اننا وصلنا لأقصي درجات التخلف والجهل وممكن لأي كيان انه ياثر فينا زي ما هو عايز وفعلا انا دلوقت عرفت ليه النظام مش حاططنا في الحسبة لأنه ممكن يعمل فينا اللي هو عايزه بمنتهي السهولة وسيبنا من كام الف واحد بيفهموا ويتكلموا ويكتبوا هما هما اللي بيكتبوا هما اللي بيقروا هما اللي بيطلعوا في المظاهرات مافيش حد بيزيد عليهم ولا بييجي له الفضول يحاول يفهم الغبي عاجبه غباؤه والجاهل غرقان في جهله وتخلفهم مريحهم لحد الطوفان ما حييجي وياخد الكل بس والله حتنضف لن الموجودين دلوقت ما يستاهلوش نفس الهوا اللي بيشموه
واه يا امة ضحكت من جهلها الأمم

9 comments:

rubyeldaly said...

واللة عندك حق فى كل اللى قلتة فعلا احنا الجهل والتخلف حيودينا فى الفين داهية وربنا يستر على دى بلد عاوزة تدمر من اولها لاخرها بيلى فيها بناسها كمان اللى جابونا ورا لا حل الا داة

change destiny said...

مفيش فايدة ... خربانة خربانة

yousra said...

المسلمين مصممين على كراهية الغير
أصل المسيحيين بعيد عنك في شرايط اليوميين دول اللي بيدمنها الشعب المصري كفرة ومينفعش نسلم عليهم
ولا نهنيهم بس الشرايط جابت نتيجة وصلت لحد قتل واحد طالع من الكنيسة مش أكتر
والله يعينك يا مصر

sasha said...

ديه سياسة فرق تسد . . . ما هو لما كان فيه ارهاب اتسيطر عليه يعنى بسرعة . . ما هو ده برده ارهاب المفروض يتسيطر عليه . . بس متساب لأنه بيلهى الناس و هو ده المطلوب . . اللعبة ديه خلاص بقيت مفقوسة

voice of love said...

سيادة المدير المالى الموقر
كلام جميل وكلام معقول مقدرش أقول حاجة بعده
بس مين اللى يفهم

ادم المصري said...

كل الناس بتقول
الكلام شبه الفول
رخيص .. وبيملي العقول

ادم المصري said...

http://et7ad-modwnin.blogspot.com/


ياريت نزور الاتحاد

karakib said...

bey2oloh 3ala eskerdereya madina 3ala borkan men el gama3at el eslameya el motatarefa ..!!!

7aga ter3eb ...
antika

GoGa said...

الي حصل في اسكندريه ده بيعبر عن سياسه البلد الرغبه في الهاء الناس باشعال فتنه بينهم بدليل انهم تركوا المسلمين والمسيحيين يتخانقوا مع بعض دون تدخل الأمن اللي كان مرصوص بالمئات يتفرج
هما بس الأسكندرانيه وطنيين دمهم حامي زي ما بيقولوا أصل أنا أعيش فيها من 4 سنين