Friday, March 17, 2006

الي شعبي الحبيب المهاود

بعد ثلاثة أشهر تقريبا من نجاح أخواننا أصحاب شعار الاسلام هو الحل واللي علي الرغم من اننا مسلمين ومؤمنين جدا والله العظيم الا انهم لم يقولوا لنا كيف يكون الحل أو ما هي الاستراتيجية الخاصة بهم ورغم دخولي علي موقعهم الرسمي وقراءة برنامجهم الا انني لم استطع الخروج بما قد يحل مشاكلنا الاقتصادية والاجتماعية والسياسية المهم العتبي علي من زكاهم ووثق في الشعار واعطاهم صوته بصراحة أنا لحد دلوقت مش شايف حتي بشاير دخان انا قلت دول حيخلّوا المجلس الموقر مولّع وحنشوف حياة نيابية شبه صحية عسي ان تكون نموذج نسير عليه مستقبلا لكن الحال هو نفس الحال وبصرف النظر عن الاستجوابات العادية التي كان هناك ما هو أقوي منها كثيرا ايام البدري فرغلي وعادل عيد رحمه الله وأيمن نور رغم اختلافي عليه الا انه كان برلماني ناجح الخلاصة اخواننا البعدا قدروا يكملوا الصورة ويجملوها ويحققوا لأخواننا المقاطيع اللي هما عايزينه من تحسين شكلهم قدام ماما امريكا ولو ان ده مادخلش عليهم وجت طنط كوندي شخرت لعمو سنسن وقالته الكلام اللي حصل ده تضحك بيه علي شعبك يا روح امك احنا ماينضحكش علينا وشد السيفون علي اتفاقية التجارة يا وسوس وكل اللي بينا انتهي ونشوف حمار غيرك نركبه علشان انت مابقتش نافع
احنا بقي الشعب الطيب الغلبان المسالم الاهبل اللي كل ما حد يطلع له بكلمتين حلوين يصدق ويسلمه أعز ما يملك
أيها الشعب الطيب قوي الطيبة مش حتنفع مع هؤلاء الافاعي سواء المنتحلين رداء الوطنيين او المتأسلمين الكل يريد نهشك يا تري يا جميل حتفوق امتي وتبطل تتنهش

4 comments:

change destiny said...

و عمار يا مصر .... دنيا

shady said...

ما هو المشكله انه خمسين فى الميه ويمكن اكتر من دواير مصر ما نزلش فيها الا الوطنى بملحقاته و الاخوان الناس حتنتخب مين الشيطان مافيش الا الاخوان حجيعملوا ايه يعنى
مافيش اى تنظيم سياسى عنده القدره انه ينافس الحكومة والاخوان فى تمويل حملات انتخابية لهذا العدد من المرشحين
هى دى الحكايه من الأخر

sonia said...

ادينا قاعدين مستنين نشوف هيعملو ايه فينا واخر الحرب دى ايه .....موش هنعمل حاجه عمرنا غير اننا نكتب ونتفرج من بعيد

adhm said...

الاخوان لا يصلحون ولا يبدعون ولا يظهر لهم صوت
الا اذا كانوا عملاء
حتى للسلطة
انكشفوا واللة