Wednesday, February 01, 2006

حل الفزورة واطلب 0900

السيد اللواء المحافظ الهمام عادل لبيب محافظ البحيرة والذي اعتبره هوو حبيبناعبد السلام المحبوب تم اختيارهم غلطةلأن النظام العبيط فاكر ان كل لواء لازم يكون وحش بس لسوء حظهم وحسن حظنا ان فيه استثناءات
المهم اللواء لبيب قام بفرض غرامة قدرها 300 جنيه للجاموسة و135للحمار الذين يتم ظبطهم يمشون في شوارع دمنهور لكن هل فكر سيادة اللواء في الأزمة التي سوف تحدث في حالة زيارة أي وزير لدمنهور والا لو رئيس الوزرا نفسه قرر تفقد أحوال المدينة هل ستطبق عليهم الغرامة ومن الذي سيدفعها هل تدفع من أموالهم الخاصة أم من ميزانية الوزارة وهل كان يدور في ذهن السيد لبيب الذي اعتقده لبيبا بحق هذه المشكلة وربما فرض تلك الغرامة لمنع الوزرا من انهم ينوطوله كل شوية
الفزورة المهمة واللي لو عرفتها اطلب 0900999999999
لو صاحبنا راح زيارة لدمنهور هو و ابنه حيدفعوا غرامة كام
أ-435
ب-600
ج-270
والا حينصبوا ويتهربوا من الغرامة بحجة انهم من فصيلة نادرة معمرة ولا يجب معاملتهم زي الفصائل التانية
ملحوظة اللي حيجاوب صح حيكسب أسبوع اقامة في الحظيرة الملكية كل عام لمدة ستة سنوات قادمةويمكن تمدد الجايزة لعشرات السنوات وربنا يتولاكم جميعا برحمته

14 comments:

Dalia Fouad said...
This comment has been removed by a blog administrator.
adhm said...

جاوبى انت صح يا اختى
وانا عليا العيش والحلاوة

HERA said...

مش عاجبانى الجايزة
بس هقولك الحل
المعطيات اللى عندنا هيه
عدد واحد جاموسة معمرة
وواحد عجل نونو
المطلوب : حساب الغرامة
البرهان: بما أن الجاموسة اخدت خمس مطارح فى الزريبة عشان تبرطع فيهم والعجل النونو لسه بيلعب فى الطين
وبافتراض ان الغرامة المفروضه على العجل هى 200جنيه اعتباراً بالتوتو و التوتال
أذن
300*5+200=1700
أذن الحل هو 1700

Dr. Hussein Magdy said...

إللي بتقوليه ده أقل ما يمكن أن يقال في حق هذه السلالة النادرة... وبصراحة بأه وبكل صراحة... أنا بكره حسني مبارك وشلته كلها واحد واحد... وبقول فيه حيبي الله ونعم الوكيل... يا سيدتي الفاضلة... أنا من حوالي شهر تعرضت لحادث سيارة... كنت أقود سيارتي على طريق سريع، وفجأة اترض الطريق لوري بمقطورة... ولكي أن تتخيلي العربية بقى شكلها عامل زي علبة السردين، ولكن العناية الإلهية شاءت إني أعيش والإصابة كانت بسيطة والحمد لله وأتماثل الآن للشفاء... ولكن خدي عندك باه في ظل عهد الرخاء الذي نعيشه إيه إللي حصل...
أولا: اللوري جري وهرب وماحدش عرف مين إللي عمل فية كدة
ثانيا: لم يتواجد في موقع الحادث ولا حتى شويش ولا عسكري ولا أي فرد من أصحاب البدل الميري
ثالثا: المستشفى وهي مستشفى من اكبر مستشفيات مصر... المستشفى الفرنساوي الجديد في المنيل أكبر مستشفى فيكي يا مصر من حيث الخبرة والحداثة والضخامة... ما رضيتش تستقبلني إلا لما شعر بالخجل... لما الأستاذ الجليل مدير المستشفى عرف إني تلميذ عنده، وكلمته وأنا في حالة يرثى لها وبعد ما رفض طلب والدي إن المستشفى تقبلني... يعني أموت في الشارع أكرم وأحسن
رابعا: حضر لمجرد حفظ ماء الوجه السيد الباشا أمين الشرطة للمستشفى حيث أرقد في غرفتي ليسجل محضر فلم يجدني في الغرفة كنت في غرفة الأشعة بعمل بعض الإشاعات للكسر إللي كان عندي... فبكل بساطة وبدل أن ينتظر 10 دقائق... رحل... أصله مش فاضي
خامسا: مستشفى عملاق بحجم القصر الفرنسي الجديد لا يوجد به جهاز أشعة على الفك (إسمه بانوراما) إللي هو أحقر جهاز أشعة... يعني أكبر وأحسن وأجمد ووو كله طبع أونطا
سادسا: وده الأهم... الحمد لله الذي نجاني عشان أنا من مستوى ميسور الحال قادرين على أن ندفع مصاريف مثل هذه المستشفيات... ولكن لو واحد عامل ولا فلاح ولا شحات غلبان.............

بقولك إيه انا هوجع أعصابي ليه... ما يموت في الشارع احسن، ده حتى الشعب يقل واحد...

لا حول ولا قوة إله بالله العلي العظيم

Dalia Fouad said...

هيه مين دى اللى انتم بتكلموها ؟
ما ترد على الولاد أحسن صيغة المؤنث كلت دماغهم

rubyeldaly said...

الف سلامة عليك يا دكتور مجدى وحمدا للة على سلامتك
ثانيا عشقك ندى داة رجل
ثالثا البوست هايل يا محمد بس ما باليد حيلة حنعمل اي ندعى علية داة اللى فى ايدنا

عشقك ندي said...

أدهم أشك انك حتجيب العيش والحلاوة لأنك حتقول معرفوش ماشفتوش مابقرالوش
هيرا....تستاهلي جايزة علي الاجابة دي والجايزة هي تلت سنين في المعتقل
د.حسين مجدي
أنت الامل يا دكتور تعملهم عملية زرع مخ
داليا...
سيبيهم كده أصل أغلب الناس هنا بترد علي البنات بس ماشي مش مهم المهم يلقطوا حاجة
روبي...
ميرسي يا روبي علي الرد والمتابعة بس هو انت خايفة تجاوبي واللا ايه كده كده رايحة ورا الشمس بس مش شمس المغيب دي شمس اللي بيروح وراها يامامييييييييي

بنوتة said...

مش عارفة الاجابة


بس كلامك رائع

يارب يجد اللى يسمع

مودتى لكى

change destiny said...

هههههه طب والله بقالي مدة مضحكتش كدة

بيتهيألي الاجابة حتبقى

ا = 135* ج + 300* د

حيث ا = الغرامة

ج = درجة الحمورية اللي في مخه

د = درجة الجاموسية المتمثلة في كمية اللي نهبه من البلد

و كل وزير و غرامته بقى

adhm said...

Dalia Fouad said...
هيه مين دى اللى انتم بتكلموها ؟
ما ترد على الولاد أحسن صيغة المؤنث كلت دماغهم
شوفى سعادتك انا اتكلم عن نفسى بس
التشابة الفظيع بي بلوج(مصر يا حتة منى )للمحترم محمد عبدو الشهير بعشقك ندى
وبلوج شمس المغيب للست
rubyeldaly
هو المسئول عن اللخبطة اللى حصلت دى انا دايما ادخل اتابع الاتنين مع بعض لانهم بيشرفونى دايما سوا فى نفس الوقت
واحب اطمن سعادتك على دماغى يا افندم اللى واكلها حاجة واحد بس ما حدش هنا لة دعوة بيها

sydalany-وش مكرمش said...

مش حقولك حاجة غير حلوة
:0)

Sherif Mostafa said...

البلوج هايل يا أستاذ و مش قادر أقول الإجابة عشان مش عايز أرجع العمبوكة...
بس عموماً لو عايز رأيي
الإجابة عند لافاشكيري

Abdelsalam said...

طب ليه التفرقة يعنى
ليه الجاموسه غرامتها أعلى من من الحمار

little sesame said...

اعتقد البيه و ابنه هياخدو من كل مواطن يفكر يخرج للشارع يوهها 400 أو
135