Saturday, January 07, 2006

عا لم الجنس في العقل العربي

تذكرني قصة الجنس في العالم العربي، بالقصة القديمة عن التلميذ الذي يتدرب عند الساحر والفيل الوردي فبعد أن يشرح معلم الكيمياء الى تلميذه، الخطوات المعقدة التي يجب اتباعها في صنع الذهب، يضيف قائلاً: (ان الأمر المهم جداً، خلال العملية كلها، هو أن لا تفكر بالفيل الوردي أبداً) وبعد أن اصبح التلميذ متأثراً بهذا التحذير بشكل تام، حاول يائساً أن يراعيه بالاحتراس من التفكير فيه، ولكن بالطبع، لم يكن قادراً على إبقاء هذا الموضوع الممنوع بعيداً عن تفكيره. وأخيراً، كان عليه أن يوقف محاولاته لصنع الذهب، وبألم عاتب سيده قائلاً: (لماذا يا سيدي؟ لماذا طلبت مني أن لا افكر بالفيل الوردي؟ فلو انك لم تطلب ذلك مني، لما فكرت فيه أبداً).
ان (الفيل الوردي) في كيمياء الحياة العربية، يعني تحريم التفكير بالجنس ويقوم الآباء وذوو السلطة والاخرون بترسيخ فكرة خطيئة الجنس لدى الطفل العربي وفي الثقافة ككل والتي تحيط الفرد بجو يذكره باستمرار بنفس الموضوع. ان انفصال الجنسين واستخدام الحجاب من قبل النساء، والقواعد الدقيقة الأخرى كافة التي تحكم وتحدد الاتصال بين الرجال والنساء، لها التأثير القوي على جعل الجنس الامر الرئيسي الذي يشغل البال ويمنع الذهن من التركيز في موضوع آخر في العالم العربي. ان تحريم الجنس، ينشئ حالة من التعلق الشاذ حول الموضوع نفسه.
كانت تلك المقدمة لموضوع قرأته في احدي المنتديات وهو فعلا موضوع رائع يشرح مدي سيطرة وحش الجنس علي العقل العربي لدرجة الهوس وهو ما نراه في تعاملاتنا اليومية سواء من أشخاص يقهرهم وحش الجنس لدرجة التقوقع والتخلف خلف أشياء يعتقدون انها تحميهم من هذا الوحش وسواء كان هذا التقوقع اجباري او اختياري فأحيانا يختار المرء الموت هربا من الخوف من شيء بعينه أو علي النقيض يكون الهروب من الشيء بالاتجاه المجنون نحوه وهو ايضا ما نلمحه في مجتماعتنا بشكل ملحوظ وجديد ومفاجيءمن انفتاح غير مبرر دون خلفيات ثقافية سواء لاشكال اللبس أو السلوك التي نراها في شوارعنا اليوم
نحن لسنا مع ولسنا ضدالتحرر أو الاحتشام لكن أن يكون الشيء له مرجعية هذا هو المهم أما ان نفعل القشرة فقط نتيجة خوف أو كبت أو أيا كان من مشاكل نفسية هنا اذن نحن مجتمع يحتاج فعلا لعلاج نفسي جماعي

18 comments:

Mr-Biboooo said...

واقعية قوى قصة الفيل
فعلا الجنس فى مجتمعنا العربى قريب لهذه الفكرة لكن اعتقد ان بمرور الةقت يصل الانسان السوى لعملية ضبط ايقاع مع نفسه و هو المطلوب لان قيود التحريم و العيب شىء يقتنع به الانسان اةلا ثم يطبقه

ka3'eem said...

كلام سليم...بس ايه الحل و ايه المرجعية

wa7d mn el e5wat said...

عشرة على عشرة هى دى الماضيع ولا بلاش
بصراحة كلامك صح مليون فى المية !!!

هو مبداء "الممنوع مرغوب " , طبعا احنا محتاجين توعية و على نطاق واسع , بس فى نفس الوقت كل الغرب عندهم وعى
ايه الفرق دول انيل مننا مليون مرة
و الزنا هناك دى حاجة عادية احنا شعب متخلف مابنعرفش نعمل حاجة غير ان احنا نقلد و بس , و ما نقلدش غير الهايف احنا مصيبتنا مصيبتين

ملحوظة: بلاش الشماعات اللى بنعلق عليها اوهامنا و غلاطتنا , لان لو كل بنت احترمت الحجاب اللى لابساه ما كانش ده بقى حالنا , لان للاسف الحجاب مبقاش مقياس خالص لاى حاجة , دلوقتى فى بنات كتير مس محجبات بس محترمين جدا و العكس صحيح , احنا محتاجين وعى دينى شامل ازاى الجنسين يتعاملوا مع بعض و الحدود اللى المفروض تكون موجودة

معلش الموضوع شدني اوى بس طريقتك عاجبتنى جدا !!!

shortcut said...

sorry el comment beta3i maloush daw3a belpost but u didnt answer me
برده ما جابوتش عليا انت ايه دورك فيه؟ بتفرج علي الفاسدين؟
او اخذت shortcuts
او بتعمل حاجة تكبر من بلدك اللي بتحاول تبين حبك ليها
maro

عشقك ندي said...

مستر بيبو ده اللي بنتمناه اننا نوصل للانسان السوي بس متهيالي ان الاتجاه عكس عقارب الزمن
يا ريت يا كريم يكون لك رأي في حل لأني لا أملك وصفة سحرية لمشاكلنا المستعصية ومرجعيتنا تكون بتحديد احنا مين فراعنة عرب مسلمين بحر متوسطيين افارقة ونشوف أي الطرق نسلك لكن اللي حاصل هو خلطبيته لا عارفين ننفتح ولا نتأسلم ولا نتعولم
واحد من الاخوات
مافيش شماعات ولا حاجة احنا لازم نعترف بأخطائنا ونعريها علشان نحلها والمسألة مش بس في المتحجبات ظاهريا الموضوع أكبر منهم المشكلة في اننا شعب يدمن دفن رأسه في المال
shortcut
أنا بأحاول أطرح مشاكلنا المستعصية علي قد فهمي المتواضع ولا أدعي وجود مفاتيح الحل معي ويا ريت كنت أقدر بس علي الأقل باحاول أقول يمكن الناس تأخد بالها وتشارك في حل احنا لما بنكون عيانين لازم نعترف بمرضنا وبعدين نروح للدكتور وبعدين نأخد الدوا انما نقعد كده ونقول احنا تمام احنا بمب احنا زي الحديد علي رأي نظيم شعراوي في النوم في العسل يبقي يللا السلامة ومنجلكيش في حاجة وحشة ويا رب يا ستي أكون غلطان وحمار وأكون أعمي ومابشوفش وكمان معقد وتكون البلد زي الفل وجميلة والناس سليمة نفسيا وبتحب بعض ومافيش شيزوفرنيا في التعامل ولا حاجة ولا الواحد من دول يحبس اخته في البيت ويروح يأكل بنات الناس بعينيه مرة واحد أجنبي قاللي علينا كمصريين لما بنشوف واحدة you fuck girls by your eyes
وعموما يا ستي انا باحاول اعمل حاجات مافيش داعي لذكرها لأني لا أدعي البطولة أنا بابعت كمية فاكسات بوقائع فساد لرئيس الوزرا والوزرا المختصين بالواقائع صحيح ده نفخ في قربة مقطوعة بس مبقاش شيطان أخرس وأنا يا ستي داوش دايرة زمايلي في الشغل والمقربين من عيلتي وصحابي بهموم البلد وبأحاول أقول حاسبوا احنا بنغرؤق البلد في خطر ونناقش الافكارو يا ريت يكون عندك نصايح ليا وأنا أعملها بس والله أنا ما بأحاولش
أبين حبي للبلد لأنها اكبر من التعبير عن حبها بشوية كلام

shortcut said...

انان اسفة لو كنت استفزتك بس كان الراي الاولاني عادي جدا استفزني افتكرتك بتتكلم و بس
فلفسفتك في الحياة مضبوطة و انا و اصحابي عاملين مجموعة بتطلع مجلة في الكلية لبيان البلد علي حقيقتها و مابنصدق نلاقي حاجة حلوة نقولها
و مافيش داعي لكل الشتائم دي لانك شخصية مفكرة

shortcut said...

read Ho una banana nell'orecchio for de mello it s in arabic in this bloghttp://anthonydemello.blogspot.com/

Geronimo said...

يااااااااااااااااااااااه
ياللى عشقها نداااااك

جيت اكتبلك رد
بعبعت وبقة بوست اقراه ف مدونتي

tamer said...

انا شايف ان الحل فى تدريس الجنس ويصبح مادة تعليمية

وتكون عى ايدى متخصصين يستطيعون التعامل معها بكل مهارة

فالعلم بالشىء ولااجهل بة

وكما ن المرفوض والممنوع مرغوب

فلمازا لانعطى الابناء المعلومة الصحيحة وبالطريق السليم

تسام وشكر ا على المشاركة

وفقنا الله لما فية الخير

مع خالص تحياتى

change destiny said...

كلامك في كتير من المنطق. الممنوع مرغوب و لو حتى للفضول . طبع البشر . بس اللي أنا عايزة أفهمه انت عايز توصل لإيه ؟ مجتمعنا من كتر ما بيلف و يدور حولين انكار وجود الفكرة اعتنقها

البني ادم السوي لازم يكون عنده أصدقاء من الجنسين . و المسألة دي شبه مستحيلة اليومين دول . و السبب إن كل من في المجتمع نصب نفسه حاكم على كل من حوله . أموت و أفهم ليه أو بمعنى أصح ازاي . على ما أعتقد ان الحكم على انسان ممكن ياخد سنين من المعرفة الشخصية . بس ليه الناس حاليا بتحكم من على بعد ميل بالشكل أو على التصرفات من بعيد . و طبعا لا يمكن ارضاء جميع الأطراف فتكتفي بتصنيف من الاتنين . معقد أو صايع
أنا مش بيفرق معايا لبس اللي قدامي أو أفكاره . هو/هي حر . كل واحد يعمل اللي يعجبه بمرجعية أو للهوس . اللي أنا بحاول أقوله ان البني مش المفروض يتحاكم على ابداء الرأي حتى لو اختلفت معاه . حل المشكاة دي الأول و التانية حتتحل لوحدها .
اسفة طولت عليك بس الموضوع قوي و أنا قصرت على قد ما قدرت

ايمان said...

نفاق): كلمة تلخص كل شيء ننافق في المظهر لنتعامي عن حقائق مخجلة تحدث، بينما في الغرب الكل صريح علي الأقل مع أنفسهم و أمام بعضهم، و علي فكرة ليسوا كما نحاول أن نصورهم حتي نرضي نزعتنا الإستعلائية اننا أحسن منهم أخلاقيا، فتتعادل الكفة بيننا و بينهم و نركن لتخلفنا و هواننا و عجزنا بأن لنا في النهاية الجنة ما دامت نساؤنا يلتحفن بكل هذا الكم من الأغطية و لا نختلف عن مجتمع العصور الوسطي و حزام العفة الشهير، المهم إننا لا نفوق من توهمنا هذا أبدا و نفعل كل شيء علشان عمرو خالد يحبك و ليس علشان ربنا يحبك و أعتقد أن حب الرب أعمق بكثير من المظهر و الطريق إليه لا يحتاج لقطعة قماش تؤكد أن حتي البنات اللي مش محجبات ممكن يكن محترمات: شوف إزاي
وعجبي يا أمة شغلت نفسها بقياس طول اللحية و الجلباب و لم تشغل نفسها بقياس طول المسافة الضوئية التي تفصلنا عن العالم الأن

Lasto-adri *Blue* said...

ممم... أنا شبه موافقة على كلامك
بس الفكرة تكون تحت نهج علمى صح

لكن الفكرة اللى يتغظنى -واسمحلى اقولها ولو ملهاش موقع اعرابى- بس التلميحات السخيفة اللى بتتقال فى التلفزيون بزعامة كبير القاعدة -عادل امام واخواته- هى اللى بتبوظ عقول الشباب.. وتخليهم يفهموا حاجات غلط

المهم وآخر الكلام لأنى لو فتحت مش ح خلص فى يومى
أنا معاك ان كلنا محتاجين علاج نفسى جماعى.. وتوعية بأمور كتير مخفية ولازم فى يوم نعرفها

أسيبك دلوقتى وسلاماتى

Dr. Hussein Magdy said...

تعرف... في كلمة واحدة بس هي إللي خلتني أكتبلك تعليق على المدونة بتاعتك... لأن لأول مرة لقيت حد بيفكر صح... الكلمة دي هي المرجعية؟؟؟ كلامك صح، تعرف عيب مجتمعنا العربي على العموم والمصري على الخصوص هي عدم وجود مرجعية، إنت تساءلت عن المرجعية، وفي تعليق لكغيييم، قالك هي إيه المرجعية دي؟؟؟ أنا عايز أسأل سؤال؟؟؟ بالذمة إنتو مش لاقيين مرجعية؟؟؟ طيب يعني إيه مرجعية الأول؟؟ أظن وبكل بساطة هي المصدر أو المنبع الذي يمكن أن يلجأ له الانسان في أي حالة أو أي مشكلة أو أي طلب أو أي رغبة ليتمكن من معرفة مدى صحة السلوك الذي سيتخذه بناء على هذه الحالة أو هذه المشكلة أو هذا الطلب أو هذه الرغبة؟؟؟ من الآخر كدة لو كلنا فكرنا بذرة من العقل... هنلاقي الموضوع أبسط من كل التعقيدات إللي إحنا عاملينها دي؟ وناس عمالة تكتب وناس تقرأ مقالات وناس تحلل أفكار... بكل بساطة يا اخوانا الجنس غريزة، يعني غصب عني وعنك كلنا بنفكر فيه ونتمنى نتمتع بيه، ولكن في ضوابط لهذه الغريزة، وبشوية تفكير هنلاقي إن أحسن وأفضل من وضع ضوابط لهذه الغريزة هو الله سبحانه وتعالى، أمرنا أن نفكر ونسلك هذه الغريزة في إطار جلي وبين للجميع، وكمان أمرنا ووجهنا إزاي نقلل من الاتجاهات الخاطئة لهذه الغريزة من زنى وبصبصة وكلام من ده وبرضه كلنا عارفين إزاي... يبقى فين المشكلة أصلا... يا ناس حرااااااام عليكم، شوية غض للبصر، وشوية تحلي بالصبر على شوية استقامة في الحياة وبالذات الجنسية؟؟؟ يعني إللي يقدر يتجوز ما يتنيل يتجوز... هي دي المشكلة؟؟ إنما بأه ثقافة جنسية وكلام من اللي الغرب عمى عوننا بيه ده ملوش لازمة... طيب بالعقل كدة الغرب بيقول إنهم أهل الثقافة الجنسية وعارفين كل حاجة، بص لمشاكلهم الجنسية التي لا تعد ولا تحصى؟؟ إحنا ربنا كرمنا بنعمة كبيرة مش عندهم... كل واحد فينا يركز شوية في دينه، أنا ما بقولش ربوا لحاكم والبسوا بنطلون لغاية الركبة، لاكن الاعتدال سيد الأخلاق، وأبو العبادات... عرفت يا سيدي الفاضل إيه هي المرجعية... جرب كدة واجعلها وشوف النتيجة... هي دي مشكلتنا... إننا نسينا أصلنا وبدأنا ندور على أصل، مع إن لينا أصل ولا أحسن ولا أروع...

عشقك ندي said...

تامر أعتقد ان التدريس لنفس العليات ومن نفس العقليات اللي أصلا مش متظبطة نتيجته مشكوك فيها ووفقنا الله لما فيه الخيير
change destiny
كلامك تمام ومافيش معارضة عن رأيي المشكلة عندي وعندك في مجتمع مش متزن نفسيا ومش متسق مع نفسه ومش بيواجه نفسه بمشاكله علشان كده الحلول صعبة ومش عايزين نقول مستحيلة وبعدين أنا طرحت الطرفين المتناقدين اللي عندهم خلل أما الباقي فما فيش مشاكل عنده احنا مشكلتنا المعقد والصايع انما المظبوط فأهلا بيه بس علي فكرة هو فين
أما حتة مايتحاكمش علي ابداء رايه دي باه محتاجة قرون لحلها مع هذا المجتمع الذي لا يستمع للاخر ويختلف مع من لا يوافقه الرأي نحن أصلا لا نسمع غير أصواتنا وعذرا أعتقد ان المشكلة دي مع احترامي لترتيبك تحتاج لوعي أكثر وأعمق
ايمان:
متفق معك في كل حرف كتبتيه وشكرا للمشاركة وشكرا أكثر لأن الرسالة وصلت
لست أدري:
يا ريت ييجي اليوم اللي يبقي عندنا الوعي ده
د.حسين مجدي:
احنا ما اعترضناش يا دكتور علي انه غريزة احنا بس معترضين علي المجتمع اللي معندوش استعداد يناقش أو حتي مجرد يعترف ان عنده مشاكل يا سيدي اللي عايز يتحجب يتفضل واللي عايزه لا سمح الله هي برضه حرة ربنا هو اللي حيحاسبها بس ما ينفعش يا دكتوري العزيز حد يعمل عنتر علي أهل بيته ويروح ينهش في أعراض الناس ولو حتي بنظره وأعتقد ان الروشتة بتاعتك يا دكتور صعبة شوية وبتفكرني بكل ما نعيا ونروح للدكتور يكتبلنا كام دوا علي مضاد وأكيد واحد حيخيش طبعا مش الدكاترة الشاطرين يا دكتور انما الدكتور الشاطر يكشف ويشخص ويعمل تحاليل وأشعة لحد مايوصل للوجع وسببه
احنا بقي يا دكتور عايزين كونصولتو علشان الموضوع أكبر من الروشتة والا كان دكتور عمرو خالد عالجنا من زمان والا أنت شايف ايه يا دوك

عاشق للبنات said...

لازم يبقى فى صراحة جريئة فى عرض مثل هذة المواضيع

استمر

free soul said...

nice and true, good blog by the way :)

ensana said...

كلام جميل جداً
الحل إننا نتعلم من اللي فات، الحل إننا نوعي نفسنا وغيرنا وأولادنا عشان ما نكررش الخطأ الشنيع .. عشان نحاول نصلّح اللي نقدر عليه وننقذ ما يمكن إنقاذه ..

www.sawareness.blogspot.com

زين said...

اجمل حاجة فى الموضوع دة كلو هيا اغنية محمد منييييير