Sunday, September 24, 2006

باحبك
باحبك باحبك
باحبك باحبك
باحبك باحبك باحبك
يا مصر
مسايا وصباحي
أسبح بحبك
وحبك شفايا
وجراحي يا مصر
واسافر بحبك
واميل زي ميلك
وتحلا الخطاوي
في حبك يا مصر
واحب اغترابي
في صبحك وليلك
واحب الونس بالرفاقه
يا مصر
تنام الدموع في العيون الهواجع
وتسهر دموعي
في حبك يا مصر
تهون السجون
والشجون
والمواجع
ويغلا مع القهر حبك
يا مصر
ولو يحبسوني
ولو يشنقوني
ولو فكروا بالعذاب
يبعدوني
ح أقرب واقرب
مش ممكن اهرب
وتنزل دموعي علي خدودي
تشرب
تلاقي الرموش والخدود والمباسم
مراسم
وصورتك عليهم يا مصر
باحبك باحبك
باحبك يا مصر
القصيدة للمبدع عمنا أحمد فؤاد نجم وموجودة علي البلوج بصوت منيروللصدفةانا بعد ما فكرت اكتبها هنا اكتشفت ان منير بيغنيها

22 comments:

Mamdouh Dorrah said...

الله عليك
هي اسكندرية كده مش بتجيب غير الرجالة
علي فكرة انا كمان اسكندراني
فلنتواصل

Ahmed Shokeir said...

كنت فاكر انها تخاريف صيام
بس لما قريتها تاني

طلعت حلوة وطالعة من القلب

sarah la tulipe rose said...

ايه الجمال دة؟ القصيدة حلوة اوي و تحس بحب مصر بجد فيها. مش زي و النبي " مصر هي امي و نيلها هو مش عارف ايه"
برافو الحته بتاعت" احب اغترابي في صبحك و ليلك" حته راشقت في حب مصر فعلا
للامام

Alexandra said...

حلوة بس ليه ما كتبتش انها لأحمد فؤاد نجم. ولا هي بش شبه بتاعت نجم. أنا فعلا مش عارفة

يا مصر اكتب إليكي رسائلي said...

تحياتي ولحد عندكم جي اقول
بمناسبة الشهر الكريم كل عام وانتم والأسرة الكريمة وكل الأصدقاء والأحباب بالخير ومصرنا الحبيبة كلها بالخير واليمن والبركات
الكلام حلو قوي ، ربنا يوفقك

عشقك ندي said...

كورتكس :أهلا بيك ويسعدني التواصل معاك
أحمد شوقير اهلا بيك منور
سارة:القصيدة لعمنا الكبير احمد فؤاد نجم وموجودة الغنوة علي البلوج بصوت منير
الكسندراك هي فعلا لعمنا نجم وىسف لعدم التنويه بس اعتقدت ان كل الناس زيك عارفاها
يا مصركأهلا بيك

Anonymous said...

:))

ياااه فعلا جمييلة
وبحبك يا مصر

تحياتي

وكل سنة و انت طيب

Gid-Do - جدو said...

محمد

كل سنة وانت طيب بمناسبة شهر رمضان وان شاء الله رمضان الجاى تحقق كل طموحاتك تحياتى لكل افراد الاسرة كمان

adhm said...

ممكن حد يدلنا على التلازم الغريب بين كل المميزين من البلوجرز والثنائية الغريبة فى حب نجم ومنير
تحياتى يا استاذ محمدوماتنساش تفتح ايميلك من وقت للتانى

Anonymous said...

جميله قوي اول مره اسمعها

اول ما ابتديت اقراها مش عارفه ايه اللي جاب في دماغي هنا القاهره بس بعد شويه اكتشفت انها مش هيا

ممكن تبعتهالي؟؟
كل سنه وانت طيب

Unknown said...

first excuse me for not writing in arabic because i don't have arabic letters, el o3'nya 7lwa awi awi awi mnhena l bokra b sot mounir , alah 3alik 7a2i2i

ruby said...

اللة يا باشا على الجمال داة بس انت بتحب مصر بس؟

voice of love said...

الله الله الله
جميلة جدا
كل سنة وانت طيب

LAMIA MAHMOUD said...

الله بجد
عم فؤاد ومنير سوا ده ثنائي العبقرية والتحليق اللي على حق

saso said...

ويغلي مع القهر حبك يا مصر

كنت بادور عليها جوجل جابني عندك
الله عليك

soha said...

fe3lan ahl eskendereya malhomsh zay,,,,,
akhteyarak fel gooon we geh fe wa2to

admelmasry said...

انا بحب نجم اصلا


لكن القصيده دي بالذات مش بحبها


مافيش حد عايز يقول بحبك

يقولها بالشكل الفقيع ده

اسف
لك تحياتي

frozen love said...

elfagoumi we mounir mara wa7da..we 3n 7bebet 2lby masr...allah 3leeek...shkran awy

^ H@fSS@^ said...

يعني من نجم لمنير يا قلبي افرح

شكرا لكلماتك الرقيقة عندي

مدونتك كمان بسيطة و صادقة

بس انت بقالك فترة مش مدون حاجة خالص يا ترى ليه؟
هل الهدوء عم في بر مصر خلاص ولا ايه؟
:)
و لا يمكن يا عمي عشان انت متمزج جنب البحر ؟

تحياتي

Hamed Ibrahim said...

لو سمحت ممكن تحط لنك للأغنية علشان نحملها والكل يسمعها ويستفاد؟
وشكرا ليك

adhm said...

اين انت يا استاذ محمد
بالذمة ينفع الغياب دة كلة

Hamed Ibrahim said...

أكرر
عايز لنك أحمل منه الأغنية دي
:(