Tuesday, August 09, 2005

يا مصر ليه الغلب محيط

اللي يتأمل حال بلدنا يجيله حاجة في دماغه الناس ماشية في الشوارع وبتمارس حياتها اليومية وكأن الحياة وردي يعني احنا بالعربي شعب تلم مابيأثرش فيه أي حاجة غلا أسعار ايه يعني مادام شعارنا ماحدش بينام من غير عشا ممارسات قهرية من الحكومة والشرطة اللي مطلوقة علي الناس زي الكلاب السعرانة عادي بمنطق ان اللي مالوش أهل الحكومة أهله وايه يعني يا أخي لما أخوك الكبير يشتمك أو يهينك أو يديك علي قفاك أنا في رأييي ان حكومات مصر خلال العشرين سنة اللي فاتت كانت جميعها ناجحة وبدون استثناء ومحدش يستغرب لأن النجاح هو تحقيق الفرد أو المؤسسة لأهدافه والحكومات دي كلها حققت كل أهدافها من تغييب الشعب وايصاله الي تلك الدرجة من التلامة واللا مبالاة واستطاعت في كل الاوقات توجيهة كما تريد ومن يقول غير ذلك يبقي مابيشوفش من الغربال شوية بالتعليم والدروس الخصوصية وشوية بالبحث عن لقمة العيش وشوية بتيارات الاعلام الهادفة لتسطيح فكر الشعب وعلي الاخص شبابه وأنا أعتقد اذا كان هناك محاكمة لتلك الحكومات فستكون بسبب قتل الوعي والشعور لدي أفراد هذا الشعب
%من الاخر احنا فقدنا كل ما لدينا من قيم ومثل ولو اتعمل استطلاع رأي مثلا عن الشباب اللي مستعد يضحي علشان بلده مش حيزيد عن 20 علي أقصي تقدير بلاش والله أكثر من 90% من الشباب عايز يسيب البلد ويهج فين السياسة في الجامعات والتي كانت مفرخا حقيقيا للقادة والمفكرين روحوا اتفرجوا علي الشباب في الجامعة اليومين دول فعلا يا فرحة اسرائيل فينا ده غير تحول جزء غير يسير من الموظفين في القطاع الحكومي صغارا وكبارا الي جماعة من المرتشين والفاسدين واللي بيدافع يروح أي حي أو مؤسسة حكومية ويحاول يخلص ورقة ويحكيلي عن اللي حيحصل معاه
الغرض من الكلام ده مش نشر اليأس والمساعدة في زيادة درجة الاحباط لدرجة تقبل كل ما يحدث من حولنا ببساطة ي جماعة الناس دلوقت بتشوف انحراف أولادها وبتغمض عينيها واللي مش حاسس ينزل الشوارع ويشوف كم الانحراف أعداد غير طبيعية وبتزيد كل يوم
طب والحل
نصحي نفوق نبطل نقول مالناش دعوة والله لينا دعوة والبلا اللي النهاردة بعيد عنك بكرة هتلاقيه في بيتك أنا رايي اللي يسكت عن اللي بيحصل في البلد دي يا اما مستفيد من هذا الفساد أو لا مؤاخذة
ياريت نفوق قبل ما نبقي شعب لا مؤاخذة!!!!!!!!!!!!!!!!!!!!!!!!!!!!!!!!!!!!!ا

2 comments:

arabesque said...

وأنا أعتقد اذا كان هناك محاكمة لتلك الحكومات فستكون بسبب قتل الوعي والشعور لدي أفراد هذا الشعب


صح..أكتر حاجة مستفزة دلوقتي فعلا هي عدم المبالاة والتكبير و النظر لمصالح ضيقة صغيرة. الإنسان المصري حصل جواه شرخ كبير
يارب نعرف نلمه

rubyeldaly said...

ابدا انت ورينا حتعمل اية ولا اية؟