عن التوريث يا سلام سلم

رمضان كريم كل عام ومصربخيرأوالافضل ان نتمني عاما جديدا مختلف عن الخمس وعشرين رمضان الماضيين نتمني عاما جديدا خاليا من كابوس التوريث البشع الذي اصبح يطاردنا ويجثم علي انفاسنا ,اخشي هذه الايام من تحقق نبؤة الأستاذ هيكل حين قال قبل الانتخابات الرئاسية الاخيرة ان الرئيس مبارك قادم لا مالة لكنه لن يكمل المدة حيث سيتم بحث سيناريو لنقل السلطة للابن وللاسف تساورني الشكوك والوساوس كلما حدث شيء فمثلا الشائعة الشهيرة الايام الماضية تصورتها ربما بداية السيناريو أو علي الاقل تهيئة الراي العام لقبول خليفة لتذكير الشعب المصري انه لابد ان يأتي رئيس جديد رغم ان هما نفس الناس اللي من سنتين قالوا مافيش غيره علي وجه الارض وربما يحمل مؤتمر نوفمبر للحزب الوطني مفأجات تمهد للتغيير القادم وبأي من الاحوال فلن يحدث جديد فالحالي مثل القادم لن يأتي من تلك المجموعة التي تحكم وتتحكم بمن هو خير أو بمن يفكر في هذا الشعب فجمال مثل عز مثل رشيد لن يخرج من تلك المجموعة من يخاف علي البلد ولن يسمحوا لمن يأتي فيهدد مصالحهم مهما كان والناس قاعدة ولا علي بالها كأن اللي بيحصل ده في الصين وبالتالي فلن يأتي هولاء الصفوة الحاكمة ليسألوا الشعب الطيب تحب نجيبلك مين يا شعب يا طيب يا اللي علي نياتاك علشان يجيبلك حقوقك مننا ويسمحلك بممارسة ديموقراطية حقيقية تحاسبنا ومتخليناش ننهشك في وضح النهار وخليك نايم زي ما انت حنيجبهولك من غير ما تتعب نفسك وتروح تنتخب ولا حاجة

بأمارة ايه بترفضوا التوريث أو عايزين تغيير مافيش تغيير لأن الكيان الوحيد المنظم اللي ممكن يقف قصاد النظام لن يسمح له بالوصول للحكم وده من فضل ربنا لأن الاخوان مش ارحم من اللي موجودين والاخوان ليس لديهم الكمن الشعبي الضاغط القادر علي المواجهة والنزول للشارع وحتي لو حاولوا فسيتم سحلهم وما يحدث من قصقصة ريش مواردهم المالية ظاهر للكل والناس ممكن تتعاطف معاهم من بعيد لبعيد بس ساعة الجد ولا حد حيعبرهم

طب الحل فين اقولك يا حلو ياللي مأنتخ مافيش غير انك تستغل الشهر الكريم ده وتقعد تدعي عليهم ربنا ياخدهم كلهموانت نايم مكانك ممكن تدعي ده ممكن الدعوة بالقلب من غير ما تتعب لسانك وكمان علشان تضمن محدش يسمعك ويبلغ عنك ورمضان كريم اما انا فسوف ادعي ان ربنا ياخد كل نطع قاعد ايده علي خده عمال ياخد علي قفاه وساكت ربنا ياخدهم كلهم ويريحنا منهم