ليههيهيه

ايه اللي بيحصل ده ليه احنا بنعمل في نفسنا كده اللي بيحصل في اسكندرية ده دليل علي الغباءو غياب الوعي احنا بناكل نفسنا بدل ما نبص علي الخطر الحقيقي اللي حوالينانظام بيلعب بينا كاننا عرايس مارونيت الحقيقة اللي لازم نعترف بيها اننا وصلنا لأقصي درجات التخلف والجهل وممكن لأي كيان انه ياثر فينا زي ما هو عايز وفعلا انا دلوقت عرفت ليه النظام مش حاططنا في الحسبة لأنه ممكن يعمل فينا اللي هو عايزه بمنتهي السهولة وسيبنا من كام الف واحد بيفهموا ويتكلموا ويكتبوا هما هما اللي بيكتبوا هما اللي بيقروا هما اللي بيطلعوا في المظاهرات مافيش حد بيزيد عليهم ولا بييجي له الفضول يحاول يفهم الغبي عاجبه غباؤه والجاهل غرقان في جهله وتخلفهم مريحهم لحد الطوفان ما حييجي وياخد الكل بس والله حتنضف لن الموجودين دلوقت ما يستاهلوش نفس الهوا اللي بيشموه
واه يا امة ضحكت من جهلها الأمم

أراء في الدنيا والدين

لن أدعي عمق معرفتي الدينية ولكن كشخص عادي جدا اعتقد ان هناك أمور كثيرة تدعو للتأمل هذه الأيام وسابدأمن الاحدث للأقدم

أول تلك الاشياء هو راي فضيلة المفتي الدكتور علي جمعة في موضوع التماثيل وبداية رغم عدم تعصبي الديني أو للدقة بسبب عدم تعصبي الديني فلقد كنت ومازلت من اشد المعجبين بهذا الرجل حتي قبل تعيينه مفتيا للديار فهو من وجهة نظري المتواضعة مستنير وعلي قدر عالي من الثقافة ويتخذ اسلوب بشروا ولا تنفروا ولقد تابعت اراؤه كثيرا و كان اغلبها علي قدر كبير من السماحة التي هي السمة المميزة لديننا الحنيف

المهم تابعت هجوما شرسا عليه من شخصيات أنا أقدرها حقا منهم علي سبيل المثال الاستاذ أحمد رجب وغيرهمن الكتاب الذين يحملون فكرا حقيقيا ولكني استغربت كيف يكون الحجر علي الفكر من اصحاب الفكر ولا أريد هنا أن يقول البعض ان الفتوي شيء خطير ويؤدي الي كثير من الاشياء الخطيرة لو تم اتباعها ولكني اذكر هنا ان الفتوي اجتهاد ومن اجتهد واخطا فله اجر ومن أصاب فله اجران فلم نستكثر علي الرجل تكرار فتوي قديمة لم يكن هو مبتدعها ولكن لنقل انه من مؤيديهافمن اقتنع به واتبعه فهو حر ومن لم يقتنع فهو حر ايضا ولنري معا رد الدكتور علي جمعة في اهرام السبت وحديثه المستنير في هذا الموضوع وقوله ان من يختلف معك لا يعطيك حق قتله حتي لو كان هذا في الدعارة أو الخمررغم اختلافي تماما مع فتوي فضيلة المفتي لكني ازددت احتراما له وبعدين ما احنا شعب معتقد تماما في ان المفتي ده مهما كان فهو تابع للحكومة وناطق لسانها وهذه قضية مسلم بها من العامة اشمعني دلوقت مهتمين بكلامه

تاني شيء عايز اتكلم فيه موضوع المقاطعة وحأقول فيه حاجتين انا احترمت موقف عمرو خالد رغم عدم اتفاقي مع هذا الشخص ولم أكن يوما من معجبيه ولكن الطريقة التي فكر بها في معالجة موضوع الرسوم مع افتراض حسن النية لأن لا يعلم ما في الصدور غير الله هي طريقة في منتهي التحضروهي الحل الوحيد والسليم لمعالجة موقف مثل ما حدث ان اتحاور مع من أساء الي لأن من رفضني قبل ان يعرفني فسيرفضني أكثر لو تعاملت معه بعنف ولكن الحوار يجعلني اكسب أرضا في مواقفي وقد كان هذا ايضا رأي الفنان محمد منير في حفلته الاخيرة بتأكيده علي ضرورة انهاء المقاطعة وعلي راي حبيبي ابراهيم عيسي هل من المفروض ان تشهر الدنمارك اسلامها لنصفح عنها